गज़ल=!=!=!=यो मुटुमा कस्तो रोग सारेर गयौ नि

यो मुटुमा कस्तो रोग सारेर गयौ नि
वल्लो घाट् न पल्लो तिर पारेर गयौ नि

मुर्छा पर्दै आँशु झारी रोएँ म बेस्सरी
आउँछु म चाँडै भनि टारेर गयौ नि


तड्पिएर बाँच्नु पर्ने कस्तो हो सिमाना
समयको लामो बार बारेर गयौ नि

फूल जस्तो यो जवानी सुम्पिएँ के भो र ?
सम्पतिको लागि माया मारेर गयौ नि

कस्तो खुशी पाउँछौ र मलाइ रुवाइ
मेरो खुशी जुवामा झैं हारेर गयौ नि


दलबीर सिंह बराइल...