गजल - धेरै फुट्यौं भो अब मिल्न सिकाई देऊ

धेरै फुट्यौं भो अब मिल्न सिकाई देऊ
मातृभूमीको लागि बुद्धी खियाई देऊ

रुन्छ हिमाल एक्लै गाउँ तराई फुट्दा
मेची कालिको फाटो आजै सिलाई देऊ

धेरै रगत बग्यो कस्ले जित्यो र युद्ध
शान्ती फैलाई यहाँ सबै जिताई देऊ

धर्म संस्कृति भाषा सयौं थरी छौं फूल
मिठो सुवास सँधै सँधै फिंजाई देऊ

हुन्न फाटेर अब जुटौं बिकास गर्न
भोली सम्पन्न हुने बाटो चिनाई देऊ

दलबीर सिंह बाराइली 'घायल'
गुप्तेश्वर-३, रामेछाप
हाल:अबुधबी, युएई